faq1

Geymdu dótið þitt á öruggum stað sem vaktaður er af Securitas !

Býður einkageymslur í sérhæfðu geymsluhúsnæði til leigu

Einkageymsla er húsnæði sem þú leigir í sérhæfðu geymsluhúsnæði. Húsnæðið sérstaklega innréttað til að uppfylla strangar öryggiskröfur varðandi bruna- og innbrotavarnir, auk þess að vera vaktaðar með öryggismyndavélum sem tengdar eru Stjórnstöð Securitas. Húsaleigusamningurinn innfelur fullan og óhindraðan aðgang að húsnæðinu hvenær sem er. Fullkomið aðgangs- og öryggiskerfi er á hverri geymslu sem tryggir hámarks öryggi og yfirsýn yfir notkun húsnæðisins.

Hvenær kemst ég í geymsluna?

Þú hefur alltaf aðgang að geymslunni, allan sólarhringinn, alla daga ársins. Talan „24“ í nafni Geymslu 24 stendur fyrir það loforð okkar að þú, sem leigjandi húsnæðisins, hafir fullan og óhindraðan aðgang að því þegar þér hentar. Þetta er jú líka geymslan þín :-)

Enginn lykill – ekkert vesen!

Hjá Geymslu 24 eru engir hengilásar. Við erum stolt af því að geta boðið viðskiptavinum okkar upp á sérhæft geymsluhúsnæði, þar sem fullkomið aðgangsstýrikerfi er notað í stað hengilása og lykla. Við erum fyrst í heiminum til þess að kynna þessa lausn í samstarfi við Securitas. ICT öryggis- og aðgangsstýrikerfi, tengt Stjórnstöð Securitas, vaktar allt húsið allan sólarhringinn. Öllum einkageymslunum fylgir aðgangskort til þess að komast inn í húsnæðið og opna geymslurnar.

Hver opnaði geymsluna mína?

Viðskiptavinum stendur til boða að fá auka aðgangskort fyrir alla þá einstaklinga sem þurfa að hafa aðgang að húsnæðinu. Með því fá viðskiptavinir Geymslu 24 enn meiri yfirsýn yfir umgengnina um húsnæðið þar sem aðgangsstýrikerfið heldur atburðarskrá um hvenær hvert kort var notað til að opna geymsluna eða hvenær viðkomandi korthafi fór inn í húsnæði. Auðvelt er að bæta við aðgangskortum og ekki síður mikilvægt að láta loka týndum kortum. Hafðu samband við okkur á This e-mail address is being protected from spambots. You need JavaScript enabled to view it. eða í síma 513-4200 ef þú hefur áhuga á að kynna þér þessa þjónustu betur. Ávalt er fyllsta trúnaðar gætt við leigutaka.

Hvað er innifalið í leiguverðinu?

Allur kostnaður af rekstri húsnæðisins er innifalinn. Hiti, rafmagn, brunaviðvörunarkerfi, öryggiskerfi, eftirlitsmyndakerfi og fleira. Leiga hjá Geymslu 24 er undanþegin VSK.

Hvað er uppsagnarfresturinn langur ?

Uppsagnarfrestur er að lágmarki 1 mánuður. T.d. ef samningur er gerður 15. janúar og ef leigutaki vill slíta samningi 14. mars, þá þarf uppsögn að berast fyrir 15. febrúar. Sé hins vegar gerður bindandi leigusamningur t.d í 1 ár þá verður leigusamningur í a.m.k út binditímann (sjá nánar í leiguskilmálum). Uppsögn þarf að vera skrifleg, og má vera með tölvupósti á netfangið This e-mail address is being protected from spambots. You need JavaScript enabled to view it.

Fæ ég lánaðan hengilás?

Þú þarft ekki slíkt hjá Geymslu 24 :-)

Hvernig er hægt að greiða fyrir leigu?

Einfaldast og fljótlegast er að greiða með kreditkorti (mánaðarlegar greiðslur).  Það tryggir líka samfellda leigu án truflunar.  Einnig er hægt að greiða með greiðsluseðli. Öll leiga er fyrirfram greidd.  

Verð ég að vera með kreditkort?

Nei það er ekki skilyrði.  Þú getur fengið greiðsluseðil sendan í heimabanka mánaðarlega.

Hvað gerist ef ég gleymi að greiða leiguna?

Ef leiga er ekki greidd á eindaga, þá er krafan send til innheimtu. Ef um langvarandi vanskil er að ræða, þá áskilur Geymsla 24 sér rétt til að losa geymsluna, farga innihaldi hennar og leigja öðrum geymsluna.   Rýming af þessu tagi er þó ekki framkvæmd nema eftir margvíslegar aðvaranir.   En það er að sjálfsögðu best fyrir alla að halda leigugreiðslum alltaf í fullum skilum.  Ef þú ert í minnsta vafa þá skaltu hafa strax samband við okkur.   Leiguskilmálarnir útskýra þetta atriði og mörg önnur ítarlega.   Við hvetjum þig til að kynna þér þá vel áður en þú skrifar undir leigusamning.

Er lágmarks- eða hámarksleigutími?

Skemmsti leigutími er einn mánuður.  Hægt er að taka geymslu á leigu hvaða dag mánaðar sem er og gildir samningurinn þá til sama dags síðasta leigumánaðar.  M.ö.o. þá er leigutímabil í heilum mánuðum frá hvaða degi sem er.   Það er enginn hámarksleigutími. 

Hvert á ég að hafa samband?

Sími þjónustuvers er 513 4200

Netfangið okkar er This e-mail address is being protected from spambots. You need JavaScript enabled to view it.

 

raudurfotur